Месяц лістапад асаблівым чынам прысвечаны малітоўнай памяці аб нашых продках, якія апярэдзілі нас у шляху да вечнасці.
Пачаўшы ад урачыстасці Усіх Святых (1 лістапада) і наступнага ўспаміну Усіх памерлых вернікаў (2 лістапада) ажно да Андрэек перад Адвэнтам мы асаблівым чынам памятаем у малітве пра нашых памерлых, а «выпамінкі» і набажэнствы на могілках — неад’емная частка лістападаўскай атмасферы.
Вернікі, якія падчас актавы з 1 па 8 лістапада наведаюць могілкі могуць атрымаць поўнае дараванне грахоў (дараванне Богам часовых караў на зямлі і ў чысцы), якое можа быць ахвяравана толькі за памерлых. Атрымаць можна толькі адзін адпуст напрацягу дня пры звычайных умовах: быць у стане асвячальнай ласкі (прыступіць да Споведзі ў гэты самы дзень або раней), памаліцца ў інтэнцыі Святога Айца, і прыняць Святую Камунію.

Расклад багаслужэнняў у Чавускай каталіцкай парафіі:
1 лістапада – 18:00 – святая Імша
2 лістапада – 10:00 – святая Імша і малітва за памерлых з выпамінкамі.
2 лістапада – 14:00 – набажэнства за памерлых на  могілках у в. Цемравічы і в. Слабодка
5 лістапада – 10:00 – святая Імша, набажэнства за памерлых на каталіцкіх могілках у Чавусах

Калі будуць зацікаўленыя памаліцца на іншых могілках – звяртацца да кс. Андрэя альбо п. Ірыны.
Для сувязі: +375298809919 (кс. Андрэй, пробашч парафіі), +375336933169 (п. Ірына)