Першы выхад у поле завецца  заворванне, гэта сапраўднае свята для кожнага селяніна, якое сімвалізуе пачатак вясновых прац.

Старшыня Чавускага раённага выканаўчага камітэта Дзмітрый Акуліч адзначыў вялікую цану сялянскай працы.

 – Мы павінны забяспечыць эканамічную бяспеку нашай краіны, вырасціць добры ўраджай і захаваць яго. У нас ёсць для гэтага ўсё неабходнае. Трэба толькі добрасумленна працаваць усім разам, – сказаў Дзмітрый Міхайлавіч.

Свята «Засеўкі» – адно з самых масавых мерапрыемстваў на сяле, звязаных з вясенне-палявымі работамі.

Абрадавая песня “Благаславі, Божа” ў выкананні народнага фальклорнага ансамбля “Спадарыня ”стварыла сапраўды веснавы настрой ва ўсіх прысутных.

Каб вызначыць, ці пара пачынаць пасеў збожжа, гаспадар выходзіў у поле, браў жменю зямлі і рассыпаў па ветры.

Гэтую прыкмету праверылі Дзмітрый Акуліч і першы намеснік старшыні – начальнік упраўлення па сельскай гаспадарцы і харчаванню Аляксей Беразюк, яны выйшлі ў поле і праверылі гатоўнасць зямлі.

Кіраўнікі гаспадарак ссыпалі зерне ў агульны кош.

А каравай атрымаў кіраўнік раёна.

Асвяціў першую баразну іерэй Георгій.

 Лялькі-зернавушкі на добры і багаты ўраджай раздалі кіраўнікам сельгасарганізацый. Затым адбыўся сімвалічны абрад “Засеўкі”.

Зерне ў зямлю кідалі старшыня райвыканкама і кіраўнікі гаспадарак.

Існаваў яшчэ адзін абрад, які дапамагаў правільна прадказаць колькасць ападкаў у гэтым сезоне. Гаспадару прапануюць на выбар тры аднолькавыя з выгляду рушніка. Калі ён возьме самы доўгі рушнік, то ў будучым годзе варта чакаць слабых ападкаў, калі самы кароткі, то год будзе дажджлівым, а рушнік сярэдняй даўжыні азначае ўмераную колькасць ападкаў.

Выбраны Дзмітрыем Акулічам рушнік быў умеранай даўжыні.

На памяць аб свяце зрабілі агульнае фота.